L'AM PAR BRISA VER

L'am pàr brisa ver, ch'a sen rivà a cò dl' ann
Ma  nuàltar, ch'a sen incòra di zuvnòt
an stèn brisa a zzigar, com chì  barbagiàn
chìss lamenta tutt' i dì, e i vol far al fagòt.

Quant'ad chi  quèi ch'a gh'èn da far incòra!
E a' vanzèn tutt'i ànn con du baiòcc in  cròs,
la bisàca la zziga anch'a quì c'  lavòra,
e d'il sgràzi agh'nè  sempar ad tuti i culòr...

curàz, ragazìt, tgnì bota ch' a gh'è ad  pez
dè mo reta a mì, tulèv dal vìn ch'al sia bòn
gudèv st'ann nòv,  zmanghèv il tribulaziòn

a spèr pròpria ch' inst'ann pudiv esar  felìz
parchè la vita l'è n'quèl séri, da tgnir sòd
e i quèi trist, lasa  ch'is brustèla in t'al so bròd.


31-12-06
FrancescoMari